HINDI naramdaman ang boycott ng fans ni Angel Locsin sa FHM party nu’ng Huwebes nang gabi sa World Trade Center dahil punung-puno ang venue na halatang si Marian Rivera ang sadya nila.

Bago nagrampahan ang stars na kasama sa top 100 Sexiest Pinay, mga modelo ng iba’t ibang sponsor ng FHM ang rumampa.

Ewan kung nag-init ang mga kalalakihan sa kanila na karamihan ay mukhang laspag o pwedeng mapagkamalang bakla.

May production number si Cristine Reyes na 7th sexiest ng FHM. Sila lang yata ni Wendy Valdez ang taga-ABS-CBN na nandu’n.

Karamihan ay Kapuso stars na pinanguna­han siyempre ni Marian na sumayaw ng mala-Marimar dance steps niya.

Tutuparin ni Marian ang pangako niyang magpa-pictorial para sa co­ver ng FHM pero wala pa silang maibigay na sche­dule sa ngayon.

Sa hanay ng Kapuso stars na rumampa, si Katrina Halili pa rin ang pinaka-sexy na sinundan nina Iwa Moto, Alessandra de Rossi, LJ Reyes, Ryza Cenon, Alyssa A­lano, Gwen Garci, Jenny Miller at ilan sa Starstruck talents ng GMA Artists Center.
Hindi ganu’n ka-da­ring si Alessandra dahil itotodo raw niya ito sa Bench BLACKOUT show sa Hulyo 25 (Biyernes) sa Araneta Coli­seum.

“Syempre, model ako ng Bench Body, eh,” sambit ni Alessandra. Si Krista Ranillo ay pa-demure din, pero mas daring daw ang mga pictorial niya sa August issue ng naturang magazine.

Kasama raw niya roon ang Daddy niyang si Mat Ranillo III na naghihintay sa parking lot.

May basbas daw ng Daddy niya ang FHM pictorial na iyun at ma­laki ang pasasalamat niya dahil sa magandang performance niya sa Paupahan.

Okay na raw ang Daddy niya at ang manager niyang si Arnold Vegafria. Sinamahan naman si Iwa ng boyfriend niya. Going stronger daw ang relasyon nila.

Si Cristine ay hindi nakaiwas na pag-usapan ang tungkol kay Dennis Trillo. Masaya raw siya nga­yon at kung anong meron sila ni Dennis, sa kanila na lang daw iyun. Na­ging maingat na raw sila nga­yon at hindi na raw sila lumalabas.

Abangan ang full co­verage ng FHM party sa Startalk. Live na guest si Katrina Halili para sagutin ang isyung na-in love na rin daw siya ngayon kay Dennis na ka-partner niya sa sinenobelang Magdusa Ka.